اطريقه عمل الاكلات الخليجيه

مُساهمة من طرف بنت الامارات في السبت يونيو 19, 2010 1:51 pm
طريقة عمل اكلات خليجية بالصور،،اشهى الاكلات الخلجية بالصور،اطباق خلجية منوعه،

:::صينية خضار :::

المقادير::

صدرو دجاج مسلوقة/جزر/ فلفل اخضر/ كوسا/ جبن كاسات / ماجي/ كمون / فلفل اسود

الطريقة::

نقطع الخضروات بالطول الى شرائح وبعدين انشوحها في الزيت ونخليها لين تستوي

بعدين نقطع الصدر الى قطع صغيرة ونضيفه الخضار وبعدين انحط عليه ماجي وكمون والفلفل الاسود

وشوية ماي عشان يتسبك وبعد ماينشف الماي منه نحطه في بايركس ونحط عليه جبن الكاسات

وندخله الفرن عشان يتحمر وبالف عافية ان شاء الله

:::دجاج في القاعة:::

المقادير:::

اولا مقادير التخمير:::

دجاجة او لحم/ 3/4ملعقة شاي هيل/ 1 ملعقة طعام بهارات مخلوطة/ 1/2 ملعقة شاي زعفران /1 ملعقة ليمون اسود/

1 ملعقة شاي كركم / 1 روب

المقادير:::

2 ملعقة طعام ماي ورد/ 1/4 ملعقة شاي زعفران/ زيت/ 9 بصلات مقطعة شرائح/ 2 بطاطس مكعبات كبيرة/ 1/4 كوب ماء/ 3 اكواب رز

الطريقة:::

تخلط الدجاجة او لحم مع مقادير التخمير وتترك في الثلاجة مدة 12 ساعة

ينقع الزعفران مع ماء الورد ويترك جانبا

يحمر البصل في الزيت ثم يضاف خليط الدجاجة والملح ويحرك حتي يحمر قليلا ثم

يضاف البطاطس والماء على الدجاجة ويغطى بورق القصدير ويترك مدة نصف ساعة على نار متوسطة

يسلق الرز نصف سلقة مع الملح ثم يوضع على خليط الدجاجة ويص عليه الزعفران

المنقوع ويغطى القدر بورق القصدير ويترك على نار هادئة جدا مدة ساعة وربع

:::دجاج صيني:::

المقادير::

صدور دجاج بدون عظم / فلفل اخضر / جزر/ بصل / زيتون/ زيت الصويا/ خل / ملح صيني/ فلفل اسود مطحون

الطريقة:::

قطعي الخضار الى شرائح واحمسيها على النار

ضيفي الى الخضار الصدور بعدج تقطيعها الى شرائح طولية

بعد مايتغير لون الصدور ضيفي عليه ربع فنحان صويا وربع فنجان خل وملح والفلفل الاسود

وحطي عليهم شوية ماي وغطيه بس ينشف الماي عنه شيليه عن النار

وتحطينه في طبق التقديم وتحطين عليه زيتون وسماق وبالعافية

:::معكرونة خضار:::

المقادير:::

كيس معكرونة اي نوع تحبينه/ 3بصلات شرائح/ 1 فلفلة اخضر مكعبات/ حبتين بطاطس مكعبات/ جزرة واحدة مكعبات/ عبلة بازلاء خضراء/ نصف علبة معجون الطماطم / ملح / بهارات مشكلة / كركم / ثوم/ كمون/ فلفل اسود/ دقوس

الطريقة ::::

اسلقي البطاطس المكعبات مع المعكرونة في ماي ساخن جدا

احمسي البصل والفلفل والجزر مع بعض حتى يننضج الخضار ابشر الثوم واضيفه عليهم

بعدين نضيف عليهم البازلاء ومعجون الطماطم والبهارات

ونضيف عليهم كاس ماي عشان تتسبك وبعد ماتتسبك احط عليهم المعكرونة واغطيها شوي

عشان تنشف وعليكم بالعافية

::::دجاج مجبوس:::

المقادير والطريقة مع بعض

نقطع بصل شرائح ونحمسه في الزيت اخلي البصل يكون لونه غامق

بعدين انضيف له الدجاجة المنصفة بدون جلد ونقلبها لين يتغير لونها

بعدين نبشر الطماطم وحطها على الدجاج واضيف عليها بهارات المجبوس وليمون اسود وقرفة وجوزة الطيب وملح

ونضيف عليها الماي عشان تنسلق الدجاجة وبعد ماتنسلق الدجاجة نشيلها ونحط الرز ونراعي ان الماي مرتفع عن الرز بصبعتين وخليها على نار هادئة

في هذي الاثناء اقلي الدجاجة و نسوي خلطة الرز الي هي عبارة عن نحج منصف نسلقه وبعدين ناخذ بصل شرائحنحمسه واخذ بطاطس مقلية اضيفها عليها واضيف طماطم مكعبات وبعد مايذوب الطماطم اضيف عليه النخج المسلوقة ومعجون طماطم وبهارات وملح واخليه يتسبك

بس يستوي الرز احطه في طبق التقديم واحط عليه الدجاجة وخلطة الرز وعليكم بالف عافية

:::دجاج فاهيتا :::

2 صدور دجاج مقطعة مكعبات/ 1 جرز مكعبات/ فطر شرائح/1فلفل مكعبات / 2 بصل مكعبات/ نص فنجان صويا/ نص فنجان خل/ شوية دبس الرمان/ ملح صيني/ فلفل اسود كمون

الطريقة:::

احمس الخضروات مع بعض بس تستوي شوي اضيف عليها مكعبات صدور الدجاج

بعد مايستوي الدجاج اضيف عليه الصويا والخل ودبس الرمان والبهارات

اخليهم على نار هادئة مدة ربع ساعة وبعدين احطه في طبق التقديم

:::دجاج بخاري:::

المقادير والطريقة مع بعض

احمس جزرتين مبشورين مع اصبعين زبدة في قدر

بس يذبل الجزر اضيف عليه الدجاجة خالية من الجلد المنصفة بس تتغير لونها

اضيف عليها طماطم مبشور وفلفل احمر والملح وبعدين اضيف الماي واغظي القدر عشان

تستوي الدجاجة وبس تستوي اشيلها واحط الرز في الماي مع مراعاة ان الماي مرتفع الرز بمقدار اصبعين

اغطي القدر وخليه على نار هادئة لين يستوي الرز وينشف الماي عنه

:::دجاج بسماق:::

المقادير:::

دجاجة كامة من غير جلد/ فنجان خل/ فنجان صويا/ فنجان سماق / 4 فصوص ثوم مبشورة/ ليمونة/ ملعقة كبيرة بهارات تندوري او بهارات مخلوطة/ وملعقة صغيرة ملح

الطريقة:::

نخمر الدجاجة بجميع المقادير ونخليها تتخمر مدة ليلة كاملة واذا مستعجلة عادي ي3 ساعات او حتى من غير تخمير

نلف الدجاجة بالقصدير وندخلها في الفرن الساخن مدة ساعة ونص وعلى قلبكم بالف عافية
[center]

{{..,آبدَـآإعْ حـَوـآإءْ & آبدَـآإعـِك،..}}

||مـَطـبـَخـٌك..

طريقه عمل الاكلات الخليجيه

صفحة 1 من اصل 1